Esta asociación crease con sete obxectivos claramente definidos nos seus estatutos. Entre algúns puntos destaca a defensa e potenciación xeral dos clubes da costa, a cooperación con outras entidades deportivas, culturais, xuvenís e educativas así como a realización de diversas actividades socio-culturais e deportivas.

As adversas condicións meteorolóxicas provocaron que varios representantes non estivesen presentes na xuntanza.

De Primeira Rexional compareceron o Baio e o Corme, de Segunda Rexional asistiron Corcubión, Fisterra, Soneira, Cee e Xallas (desculparon a súa presencia: Camariñas, Dumbría, Porteño e San Lorenzo), por último, de terceira estiveron Laxe e Raio San Xirol (Buño e Cabana desculpáronse vía telefónica). Votáronse en falta membros do Bergantiños cos que, de momento, os compoñentes da comisión xestora aínda non se puideron poñer en contacto.

A parte dos clubes da costa, José Toja, alcalde de Santa Comba estivo presente e expresou o seu compromiso de solidaridade e comprometeuse a servir políticamente en 'todo canto faga falta'. Ofreceuse, se fose menester, a concertar entrevistas co Secretario Xeral para o Deporte e demáis personalidades do ámbito político así como a organizar unha cea na que estarían convidados os trinta e tres representatantes do Fútbol da Costa.

Polo tanto, a mesa presidencial, estaba conformada polo propio alcalde de Santa Comba, José Toja, e os membros da comisión xestora (Juan Vázquez, Vicepresidente do Xallas; Alejandro Piñeiro, Presidente do Corcubión e Arturo Conde, Presidente do Cee).

Juan Vázquez procedeu primeiramente á lectura do borrador dos estatutos. Uns estatutos aprobados polos alí presentes e que foron redactados seguindo fielmente o modelo doutros estatutos de asociacións deportivas e culturais.

A sede central estará en Santa Comba

O Centro Municipal de Cultura de Santa Comba figura como sede central, aínda que coa posibilidade de crear novas filiais ou variar a propia sede central se a Asamblea o considerase necesario.

Deixouse claro o interese desta asociación en que participen todos os clubes costeiros e que a figura máis importante sexa precisamente a Asamblea Xeral formada por todo los socios, dende este organismo, tomaranse as decisión máis relevantes.

Doce serán os membros da Xunta Directiva. 'Os doce' reuniranse unha vez ó ano e, de forma extraordinaria, cada vez que exista un problema relacionado con algún dos puntos establecidos nos estatutos.

Un presidente, un vicepresidente, un secretario, un vicesecretario, un tesoureiro, un vicetesoureiro e seis vocais conformarán a Xunta Directiva que será elixida na Asamblea Xeral con caráctar extraordinario e prevista para o 13 do presente mes de xaneiro de dousmil un.

Alejandro Piñeiro 'Jano' e Juan Vázquez candidatos á presidencia

Outros seis conforman, de momento, o abano da futura Xunta Directiva. Juan Luís Gómez (Presidente do Soneira), Tito (Presidente do Nantón), Noya (Presidente do Muxía), Arturo Conde (Presidente do Cee), José Antonio López (Presidente do Buño) e Enrique Vázquez (Vicepresidente do Camariñas ).

Polo tanto, resta que catro compoñentes máis presten os seus servicios para conformar os doce necesarios. Posteriormente serán elixidos por sufraxio na próxima Asamble Xeral Extraordinaria. O máis votado será nomeado presidente e este, co asesoramento dos outros once, proporá os cargos que ocupe cada un.