Noticias ofrecidas por: WEB COSTA DA MORTE.

'Percebeiros do Roncudo', por Xulio Correa

APOIÁCHESNOS NA TRAXEDIA...
AGORA QUEREMOS AGRADECERCHO...

VEN Á COSTA DA MORTE
E ... VÍVEA!!

>>30/05/03 O ARAO COMÚN EXTINGUIUSE EN GALICIA

A Sociedade Española de Ornitoloxía (SEO-Birdlife) confirmou a desaparición das colonias de arao común que aniñaban nas Illas Sisargas e cabo Vilán, as únicas zonas de Galicia onde aínda se reproducía esta especie.

O arao común atopábase xa en 'perigo crítico' de desaparición e as súas colonias non puideron soportar o impacto dos verquidos do Prestige, que afectaron gravemente aos lugares onde aniñaban.

>>28/05/03 PEOR O REMEDIO QUE A ENFERMIDADE

Xa fai tempo que vimos denunciando que a maior parte das praias da Costa da Morte aínda non está aptas para o baño. A solución aportada polas autoridades é sustituír o pacente e minucioso traballo dos voluntarios polo máis contundente, aínda que debastador, da maquinaria pesada.

Os traballos de limpeza de moitas das praias da Costa da Morte estanse a facer sen cumprir os protocolos de actuación do Ministerio do Medio Ambiente, abusando da maquinaria pesada e sen a máis mínima sensibilidade medioambiental. De feito, a Federación Ecoloxista Galega (FEG) ven de denunciar a desaparición dunha praia de coídos en cabo Touriñán (Muxía), preguntándose se esto garda relación coa construcción da piscifactoría de Pescanova nesa zona.

>>28/05/03 MUNICIPAIS 2003 NA COSTA DA MORTE: AS REACCIÓNS

A resposta da xente no pasado 25-M sorprendeu a moitos voluntarios, que procedentes de toda España se achegaron ata a Costa da Morte para colaborar na loita contra o chapapote; por elo, cada vez nos chegan máis mensaxes coma a seguinte:

'de bien nacidos es ser agradecidos

Gracias por habernos dejado con el culo al aire a los gallegos que desinteresadamente y sin afinidad politica nos mojamos por vosotros y pusimos el grito en el cielo, gracias por darnos la espalda. Graicas por dejarme sin argumentos para fomentar el turismo en la costa de la muerte entre todos mis amigos que ahora me preguntan con sorna que porque lo hago. gracias en definitiva por hacerme ver que galicia sigue igual y que su cobardía persiste. gracias por permitir las mofas y los insultos de media europa' .

>>26/05/03 MUNICIPAIS 2003 NA COSTA DA MORTE: OS RESULTADOS

A catástrofe do Prestige case non afectou ao PP na Costa da Morte; mesmo no epicentro da marea negra, Muxía, os conservadores saíron reforzados. As axudas fixeron esquecer o desastre.

>>22/05/03 A MAIORÍA DAS PRAIAS DA COSTA DA MORTE AÍNDA NON ESTÁN ÁPTAS PARA O BAÑO.

Segundo un estudio realizado entre os días 17 e 18 do presente mes por biólogos e naturistas de Erva-Ecoloxistas en Acción , o 90% das praias da Costa da Morte presentan diversos grados de contaminación logo de seis meses do afundimento do Prestige e non serían áptas para o baño. Os ecoloxistas advirten tamén que, dada a alta presencia de fuel nos fondos mariños e que este aínda segue a saír do pecio, é de esperar que o fuel siga chegando aos areais nos vindeiros meses. A isto hai que sumarlle a presencia de grosas capas de chapapote baixo a area, polo que a axuda dos voluntarios segue sendo moi necesaria; aínda que dende a Xunta se pense o contrario.

>>19/05/03 A APERTURA DE AUGAS INTERIORES DA COSTA DA MORTE PODERÍA RETRASARSE ATA AGOSTO.

A apertura á pesca e marisqueo en augas interiores da Costa da Morte podería retrasarse ata o 17 de agosto; pois a Consellería de Pesca aumentou o prazo ata esa data para que as aroximadamente 3000 persoas afectadas sigan cobrando as axudas.

[+ info].

>>12/05/03 FESTA DAS LETRAS.

O lugar de O Couto (Ponteceso) está a vivir estes días unha nova edición das súas, xa tradicionais, Festas das Letras.

A Asociación Cultural Montebranco deseñou unha vez máis un amplo e interesante programa de actividades; que foi aberto, aínda que cun día de retraso, polo escritor Manolo Rivas.

As actividades do Salón do Libro Infantil e Xuvenil e os Encontros de Normalización serán as referencias para as vésperas ao Día das Letras, no que primarán as actividades lúdicas, con música e xogos para os máis pequenos.

O domingo 18, celebrarase a XX edición da Feira da Artesanía, que contará coa actuación estelar de Susana Seivane e un xantar homenaxe a Manuel Rivas, no que participarán diversos artesáns e escritores.

[+ info].

>>08/05/03 UN PRIMEIRO PAGO DO 15% DAS PERDAS PARA OS DAMNIFICADOS POLO PRESTIGE.

O Fondo Internacional de Indemnización de Danos debido a Hidrocarburos (Fidac) estima que o desastre do Prestige causou perdas, logo de 6 meses, por 1.000 millóns de euros (745 en España, 193 en Francia e sobre 60 en Portugal).

O Fidac ten fixada unha cantidade para compensación de danos de 171,5 millóns de euros, dos cales 24 terán que ser aportados pola aseguradora do petroleiro. Cos 147,5 millóns restantes, o Fidac acordou no día de onte realizar un primeiro pago, o que representaría un 15% do total de danos estimados.

O comisionado do Goberno para o Prestige, Rodolfo Martín Villa, adiantou tamén que no sector turístico as indemnizacións só chegarian a cubrir un 30% das perdas como máximo.

[+ info].

>>05/05/03 PARA NON ESQUENCER.

A Costa da Morte estivo presente unha vez máis nunha manifestación cidadá por mor do desastre do Prestige. Este pasado domingo ao redor de 100.000 persoas segundo os convocantes, 40.000 segundo a policía local, manifestáronse en Santiago para que o Prestige, e as súas consecuencias e ameazas, non sexan esquecidas.

[+ info].

>>02/05/03 A VOLTA A GALICIA 'NUNCA MÁIS' CHEGA Á COSTA DA MORTE.

A plataforma Nunca Máis comezou o pasado día 20 de abril no Barco de Valdeorras coa Volta á Galicia “Nunca Máis” , unha carreira de relevos na que diversos deportistas vanse pasando o manifesto de NM a modo de testemuño e para protestar pola xestión das Autoridades no desastre do Prestige.

O día 30 chegou a volta á Costa da Morte nunha etapa dende a Pobra do Caramiñal ata Fisterra, pasando por Cee, o porto de Brens, a praia de Quenxe, Corcubión e finalmente os alumnos do centro Aspadex de Cee levaron o testemuño ata Fisterra. Nos relevos participaron deportistas de especialidades tan diversas como o ciclismo, piragüísmo ou windsurf.

Hoxe venres percorrerase o tramo Fisterra - Laxe, coa participación de ciclistas e patinadores. Mañá sábado o tramo Laxe - Razo - Laracha, no que participará o Grupo de xinetes de EQUIBER.

[+ info].