Un nutrido grupo de autoridades políticas, e 18 artesáns de diversas disciplinas están a participar dende o Venres 15, no salón dos oficios artesanais, que se celebra na localidade de Flaurient-Lambert, na Bretaña Francesa.

A visita en si, non queda no meramente representativo, senón que dende fontes da propia Asociación Neria, se enmarca este periplo, coma unha magnífica e histórica posibilidade de coñecer de que maneira se explotan os recursos naturais para a obtención de beneficios económicos por medio do turismo.

A Bretaña Francesa, e os concellos que a compoñen, veñen desenvolvendo diversos programas orientados a explotación deses recursos, a vinculacion de oficios artesáns coma recurso de atractivo turístico fai mais atractiva se cabe a visita.

Por certo que Radio Nordés - Cadena SER, emitirá dende esta localidade francesa o programa 'A Cancela', o que constituirá a primeira emisión dende o estranxeiro dunha emisora de radio na nosa bisbarra.

A Asociación Neria, é unha entidade supramunicipal que foi xestora dun plan Leader II da Unión Europea, e na actualidade está tentando que a Costa da Morte se beneficie do programa Leader Plus. Esta entidade está dirixida por D. Xulio Díaz, sendo o secretario D. Xan García, o cal tamén está dirixindo outro proxecto na zona chamado Asoem.net, este proxecto está tamén patrocinado pola UE dentro do Programa Recite II, este proxecto foi concedido ó Instituto de Desenvolvemento da Artesanía, Cultura e Patrimonio (IACP), do cal é presidente o citado D. Xan García Pouso.