17 DE MAIO DIA DAS LETRAS GALEGAS, COMO NON, NA COSTA DA MORTE.
Como en outras moitas facetas, as nosas comarcas destacan todos os anos na cantidade e na calidade dos actos que se celebran para conmemorar este día, que é moito máis que un día.

Información ofrecida por Radio Nordés-Cadena Ser

Manuel Murguía, a quen se lle adica este ano o día das Letras Galegas, e que naciu no veciño concello de Arteixo, será homenaxeado ao igual que todos os seus antecesores, con multitude de actos en toda a Costa da Morte.

E coma todos os anos, é a pequena aldea de O Couto, a que destaca polo seu completísimo programa de actos, que comezaron o día 14 e non rematarán ata o vindeiro día 21. Resumindo, diremos que todos estos días son bos para visitar O Couto, o 14 foi a apertura, hoxe está adicado a Castelao, o 16 a Novoneira, o 17 asinarán libros multitude de autores da Costa da Morte, para o 18 a xornada estará adicada a Murguía, deixando para o 19 un hoco para a literatura 'Bravú' e o 20 para o encontro do colectivo 'Brais Pinto' (Ferrín, H. Barreiro, X. F. Ferreiro, Bernardino Graña, Ramón Lourenzo,...) coa Terra de Bergantiños. Deixan para o peche o día 21 a mostra de danza e artesanía en vivo.

Pero este ano tamén hai outros protagonistas, e destacamos á comisión que promove a figura de Henrique Labarta Pose para que se lle adique un Día das Letras Galegas. Esta comisión ven de celebrar unhas xornadas e segundo declara o seu portavoz, Jorge Mira, no seu ánimo estivo 'traballar na divulgación desta figura, cos aportes dos profesionais invitados ó encontro nalgúns casos auténticos especialistas na vida de Labarta Pose'.

Pero claro está que ninguén se queda fora, e realizaránse actos en Cee, Fisterra, Corcubión, Baio, Muxía, Dumbría, Vimianzo, Malpica, Carballo, Laracha, etc.