Fixemos unha enquisa ós empresarios de hostelería da Costa da Morte nun total de dez concellos nos que preguntamos a valoración do mes pasado en canto ocupación hoteleira, a comparación con respecto a outros anos e as previsións para agosto. En liñas xerais todos coincidían nun dato importante o baixón que se produxo no pasado mes de xullo con respecto a outros anos, sobre todo con respecto o ano pasado. A pesar diso hai concellos que notaron unha melloría considerable.

En Camariñas mellorou moito a afluencia de turistas con respecto a outros anos. Nalgúns hostais chegouse o 100% de ocupación na segunda quincena de xullo. En agosto as previsións son tamén moi boas esperando unha ocupación plena. María Miñones Tages empresaria de hostelería da zona informouno da afluencia de alemáns debido a un viaxe organizado para facer senderismo pola zona. Este viaxe xurdíu dunha iniciativa desta empresaria que pedía máis axudas por parte da administración para promocionar actividades que non dependeran tanto do bo tempo como o senderismo.

En Carnota o tempo fixo que baixase moito este mes pasado a ocupación hoteleira. Foi un mes malo para os empresarios deste concello. Un deles botáballe a culpa non tanto a non facer sol, senón a falta de infraestructuras.

Os empresarios de Cee queixáronse do mes de xullo. Según eles foi un mes bastante flouxo con respecto a anos anteriores, debido á pouca afluencia de turistas na zona. Nalgúns hostais non se chegou o 40% de ocupación. A pesares disto as previsións para agosto son moi boas, podéndose acadar o 100%.

Corcubión tamén sufriu un baixón con respecto a anos anteriores. Os empresarios queixanse da pouca promoción que se fai da Costa da Morte. (aínda que hai destacadas excepción como pode ser este web que vostede está a visitar)

No pasado mes de xullo en Dumbría notouse unha melloría con respecto ó ano pasado. Teñen un 10% de estranxeiros e o resto é turismo nacional, prevese unha ocupación para o mes de agosto dun 85%.

En Fisterra as opinións están divididas, hai empresarios que din que o mes de xullo foi máis baixo que o ano pasado pero outros que din que non estivo mal e que esperan para o mes de agosto un 100% de ocupación.

Houbo menos afluencia de peregrinos en Mazaricos este pasado mes de xullo con respecto o ano pasado. Non hai tanto estranxeiro e sí turismo nacional.

En Muxía hai hostais que lles foi mellor que o ano pasado e outros que non, chegando o 40% de ocupación.

En Zas este mes de xullo non foi como o ano pasado, os principais motivos foron o mal tempo e a falta de turistas que veñan a esta zona.

Por último en Vimianzo, notouse tamén o baixón con respecto a outros anos. Moitos turistas debido o mal tempo marchábanse antes.

As previsións para agosto son moi boas, pero queremos aproveitar para comentarlle a todos os visitantes da Costa da Morte, que o espectáculo do noso mar é moito máis impresionante que un día sol. Se quere disfrutar a Costa da Morte en todo o seu explendor non o dubide visitenos en inverno.