|
Algunhas
actitudes indignan máis que o chapapote. Chegaron
á nosa redacción varios correos
onde voluntarios mostran a súa indignación
pola actitude dos veciños de lugares afectados
ante esta catástrofe. Non só non parece
importarlles que as suas praias estean contaminadas, senón
que ademáis rinse dos voluntarios e do seu traballo.
Desde
finisterrae.com quixeramos facer dous comentarios a este
respecto:
Primeiro
que estas actitudes son, en moitos casos, froito do descoñecemento
da verdadeira realidade do problema y de una estructura
social pouco acostumada á solidaridade e á
responsabilidade colectiva (moi poucas veces, ou nunca
antes a tiveran con eles). Moitos ven no traballo dos
voluntarios, tamén por certas terxiversacións
mal intencionadas, unha reducción no tempo ou na
cuantía das axudas; e o traballo no mar ou nas
rochas é moi duro e é moi duro volver a
xogarse a vida cada día.
En
segundo lugar quixeramos facer un chamamento aos veciños
da Costa da Morte para que abran os ollos: O problema
é máis grave do que se pensa e difícilmente
se vai solucionar con limosnas. As indemnizacións
teñen que cobrarse polos danos producidos, independentemente
do que se tarde en 'limpalos'.
Non
é só un problema de responsabilidades ou
recursos, senón tamén de dignidade; a que
demostran ter tódolos voluntarios.
Así
o ven, por certo, moitos outros veciños da Costa
da Morte que sí están a colaborar cos voluntarios
e incluso fecendo colectas para procurarlles comida; o
cal demostra, unha vez máis, a falla de responsabilidade
por parte das autoridades.
|
