A cantidade en cuestión, irá destinada á realización do anteproxecto da estrada entre Baio e Santa Comba. Esta paupérrima inversión, ven de provocar un enorme malestar, tanto na clase política coma na social da bisbarra, que expresou ó longo da semana o seu parecer o respecto desta inversión.

Nula interese, patético, ou falta de coñecemento, son algúns dos calificativos que lle ven de dedicar a oposición a esta inversión, que deixa fora cuestións coma, por exemplo, a ampliación da autoestrada ata Fisterra, melloras portuarias, o parque empresarial en Vimianzo, obras en saneamento, ou inversións en educación e servicios sociais.

Asi as cousas, cos vinte pesos que lle tocan a cada un dos máis de cen mil habitantes da bisbarra, deberíanse acometer reformas coma o novo deposito de augas en Muxía, as melloras estructurais en campos coma estradas locais e comarcais ou reformas forestais, ou a tan cacarexada dende todas as frontes chegada do tren a nosa bisbarra. O grupo parlamentario socialista, por medio dun voceiro, afirma que 'a vida ós membros do Grupo Popular debe de irlle moi ben, pero os mariñeiros e agricultores da Costa da Morte, seguen sen sair da sua crise'. Dende a outra forza maioritaria da oposición, o BNG, cautela indicana ata coñecer a integridade do texto, aínda que de certificarse esta única inversión, calificase coma patética, a actuación de goberno popular, para esta bisbarra.