A 160 millas ao Este de Lisboa, entre ventos de 30 nudos
e ondas de 5 a 6 metros de altura, o palangreiro galego FATIMA,
naufraga cando se adicaba á pesca do Peixe Espada.
Os
11 tripulantes do buque eran galegos, e tan so foron catro
os supervivintes. De todos os tripulantes había tres
que eran da Costa da Morte, concretamente de Fisterra
e Corcubión, e
os tres foron rescatados con vida.
Juan
López Casais, Juan Manuel Crespo Gonzalez e Manuel
Estevez Martínez (Bareta) son os nomes dos tripulantes
da Costa da Morte que están camiño de Canada,
xa que foron recollidos polo cargueiro israelita ZIN PACIFIC,
ao non poder este cargueiro desviarse do seu rumbo, chegarán
a porto en Canada dentro de catro días e voltarán
inmediatamente. Xunto con estes tres naufragos, tamén
foi rescatado Francisco Durán González, de A
Guarda. Segundo sabemos xa foron atopados a flote algúns
corpos dos outros tripulantes, que non lograron supervivir.
Neste
intre atopanse na zona un avión, helicopteros, e barcos
portugueses, así como outros palangreiros galegos que
tentan de atopar máis tripulantes do Fátima.
