Vicente Rivas, ex concelleiro nacionalista do Concello de Cee, mantivo unha conversa recentemente cos servicios informativos de Radio Nordés Cadena Ser, para explicar con detalles o motivo que o levara a presentar unha moción para estudiar a viabilidade de unir Cee e Corcubión.

'Tratábase, decía, de sopesar a posibilidade de efectuar un estudio sociolóxico e económico coa finalidade de comprobar a viabilidade de unir Corcubión e Cee nun so concello'. Sobra aclarar que ambos pobos, mantiveron durante séculos, unha intensa rivalidade social plasmada en numerosas cantigas e titulares de prensa.

Entre as ventaxas, Vicente apunta pasar dos dez mil habitantes, algo que repercutiría positivamente na concesión de partidas presupostarias e subvencións, ser claramente cabeza de partido xudicial ou mesmo unificar tódolos servicios.

Describíu así, as compatibilidades xa existentes como: o saneamento común, o abastecemento de augas, ou mesmo o vetedoiro do repetidor que recibe o sinal audiovisual no Monte do Son.

Se este estudio resultase positivo, debería tramitarse á Xunta de Galicia baixo un marco que considerou favorable, xa que, o organismo autonómico e a lei, é máis favorable a unha unión entre concellos que a unha segregación ou creación dun novo.

Situación política desfavorable

Pero, naqueles tempos, contounos, a situación política non estaba dacordo con esta proposta. Houbo políticos municipais, concretamente en Cee, en palabras do líder dos Independientes por Cee, Ramón Vigo, que non eran partícipes de soportar a diferencia, según eles, existente entre os dous pobos. Para Vigo, Cee significa progreso e, Corcubión, atraso. De todas formas, o exconcelleiro nacionalista sinala ó actual alcalde como principal figura ante a negativa á unión.

No termo político cree non existir un bo exemplo na Mancomunidade Comarca de Fisterra debido, explica, a problemas políticos no seo da directiva pero, no tocante á fusión de ambos pobos, a situación sería claramente diferenciada. 'Existirían, como é lóxico, as eleccións municipais, lugar onde os veciños e veciñas do pobo elixirían ó seu goberno, un so goberno'.

Un problema subxectivo, non obxectivo

Vicente Rivas diferenciou entre a parte obxectiva, na que dixo non atopar ningún tipo de problema. Pero sí na subxetiva, onde explicou que o sentimento e a tradición xogan un papel importante, máis, segundo a súa opinión en Corcubión xa que 'se trata dun pobo moi arraigado ó seu sentimento de independencia'. Apuntou que a clave para superar estos problemas culturais e tradicionais está no respeto pola personalidade dos pobos, sen que exista un sentemento de absorción en ningún aspecto. 'Mantendo as oficiñas cavildo ou o Rexistro a situación sería menos sangrante'.