Como resultado da política de promoción turística da corporación do Concello de Malpica de Bergantiños, sae á luz este espacio no que se pode acceder a toda a información necesaria para decidir de visitar este concello do norte da Costa da Morte.

O deseño está baseado no mar, na obra de Urbano Lugrís e na luminosidade que esta vila desprende, por algo se escolleu tamén o lema de promoción 'Vila da Vida da Costa da Morte'.

Neste espacio vostede poderá acceder entre outras cousas á información dos horarios de autobuses, escoller onde aloxarse, ou mesmo contactar directamente co Concello por calquera asunto que desexe.

Ademáis, Hector Pose e Xosé Manuel Varela, ofrécennos un avance do que vai a ser o seu libro de rutas por Malpica, que verá a luz moi pronto. Este avance consiste en poñer a disposición de todos vostedes 3 destas rutas, para que sepa a onde ir unha vez que se estableza.

Nin que decir ten que esta estrea leva consigo a aparición da programación da Mostra da Olería de Buño e o programa cultural que o concello lles ten preparado aos veciños e a todos os que decidan visitar a vila.

Noraboa por levar a cabo outra iniciativa máis a prol da rede Internet, como xa fixera tempo atrás co Web Oficial da Olería de Buño.