Campaña de prevención de Integro.
Segundo o Xefe do Servizo de Rehabilatición de Lesionados Medulares, moita culpa de que estemos á cabeza do número de lesinados, é da mala situación das estradas

Información ofrecida por Radio Nordés-Cadena Ser

Con importante asistencia de público, e sin presencia do Conselleiro de Sanidade, que por motivos de axenda non puido finalmente asistir, foi presentada a campaña de prevención das lesións medulares que a asociación Integro, en colaboración coa área de lesións medulares do hospital 'Juan Canalejo' da Coruña e co hospital 'Virxe da Xunqueira' de Cee, quere levar adiante na comarca. Unha campaña, que non está exenta de fotografías duras de accidentes de circulación ou de operacións de médula, coa fin de que os rapaces de educación secundaria, ós que esta campaña vai dirixida, sexan conscientes do perigo de certas accións que poden acabar cunha persoa nunha cadeira de rodas. Ó acto asistiron diversas autoridades, coma o presidente de Integro, Adolfo López, o delegado da Consellería de Sanidade para a zona, Manuel Barral, o director provincial do Sergas, Antonio Martínez, e en representación do Concello de Cee, o seu tenente alcalde Jesús Garea, ademáis do anfitrión do acto, o director do hospital 'Virxe da Xunqueira', José Rey Aneiros e tamén o xefe do area de lesionados medulares Antonio Rodríguez Sotillo.

Este último foi sen dúbida o máis comprometido nas suas declaracións, 'duras como a realidade que eu vivo como médico especialista de lesión medulares', entre outras cousas declarou en frías cifras que colocan a Galicia á cabeza neste tipo de accidentes, con ata 120 casos novos cada ano. Pero aínda foi máis lonxe o señor Rodríguez, ó afirmar que tal vez a culpa non sexa so dos conductores, e que o medio, as estradas, onde se producen a maioría destes accidentes, teñen grande culpa.

A Campaña comeza este vindeiro nove de maio, no colexio 'Agra das Raices' de Cee, e no desenvolvemento do mesmo participan médicos e especialistas do 'Virxe da Xunqueira'