A Xunta de Galicia estudiará en profundidade a profesionalización do Encaixe.

Información ofrecida por Radio Nordés-Cadena Ser

A Consellería de Familia, Promoción do Emprego, Muller e Xuventude ven de comezar a realizar un estudio sobre a situación actual do sector co obxectivo de adoptar medidas para facilitar a profesionalización das palilleiras.

A actuación, que correrá a cargo da dirección Xeral de Fomento do Emprego ten coma obxectivo primeiro, segundo a mesma dirección, o estudio do sector do encaixe a través de catro niveis básicos, coma son as tipoloxías empresariais, os modelos xa existentes de comercialización e xestión, a preanalise da viabilidade e aceptación doutros modelos de comercialización así coma as capacidades para a pormoción conxunta e comarcal do encaixe.

Para D. Justo de Benito, Director Xeral de Fomento do Emprego, con este estudio prenténdese colocar andazos firmes cos que avanzar na profesionalización do sector. O estudio, segundo a consellería, ofrecerá unha descripción do sector do encaixe, principalmente nos concellos de Camariñas, Vimianzo e Muxía. Unha vez avaliada a situación, a Consellería de Familia pretende contar cos coñecementos necesarios para deseñar medidas e poñer en marcha actuacións en prol da profesionalización do sector e dos artesáns, na súa meirande parte mulleres.

O estudio, ademáis de datos, estatísticas e memorias sobre a situación socioeconómica da comarca, pretende contar tamén con entrevistas cos axentes socioeconómicos máis relevates nestes concellos, así coma enquisas a empresas, autónomos e productores. Así mesmo pretendese tamén entrevistar os axentes de desenvolvemento local destes concellos. Este basto estudio está previsto que vexa a luz nos últimos do mes de maio.