A Federación de Empresarios da Costa da Morte, FECOM, será a que se faga cargo das queixas dos empresarios e a asunción de responsabilidades, polos cortes no suministro eléctrico nos últimos días, que causaron perdas aínda sen valorar a varias empresas da bisbarra, aínda que cifradas xa en Baio (Zas) en mais de un millón de pesetas. Nunha reunión celebrada o pasado xoves noite en Baio, foi repartido a varias asociacións empresariais da bisbarra un documento para que os empresarios valoren as perdas. José Gabín, presidente da FECOM, manifestou que 'en base a esas valoracións, se adoptarán as medidas necesarias'.

A patronal esta legalmente asesorada por varios técnicos e avogados, e non se descarta chegar, no caso de que a eléctrica non entre en razóns, a algún tipo de acción legal, xa que, segundo o presidente da patronal, 'o vento e a choiva xa non son escusa suficiente. Estamos no século XXI e estas cousas non son normais' en referencia as constantes idas e vidas do suministro eléctrico na localidade. Nos vindeiros días, podería coñecerse a valoración total do empresariado da bisbarra, sobre canto se perdeu a raíz dos cortes de luz.

A verdade é que o temporal do pasado martes día 28 foi impresionante, incluso collendo de sorpresa ás autoridades, que si tomaron medidas para o xoves 30, pero o verdadeiro vendaval de choiva e auga xa se producira, segundo sabemos, en Laxe, o vento chegou a alcanzar os 130 Km/h, e por suposto trouxonos consigo espectáculos inclibles, non deixe de achegarse un día así á Costa da Morte, o mar bate aínda con máis forza.