Volve a perigar a tranquilidade laboral do transporte público por estrada. A empresa Arriva xera un novo conflicto e diferencias entre dirección e empregados, despois de que onte o sindicato CIG, volvese a saír á palestra para denunciar o incumprimento sistemático dos últimos acordos entre sindicatos e patronal, do pasado mes de xullo. A CIG acusa a dirección da empresa de terrorismo patronal, ante o despido de tres traballadores e a sanción a outro o parecer en represalia pola pasada folga. Ademais, manifestan que a dirección de Arriva ten intención de poñer na rúa a outros 25 traballadores da empresa Finisterre, con concesión como saben na Costa da Morte, e de que quince deses empregados xa terían recibido a carta de despido. Así as cousas a CIG non comprende o porqué desta flagrante rotura do pacto que ámbalas dúas partes suscribian fai escasos meses.

Xesus Pastoriza, do sindicato CIG, afirma que o sector do transporte público ten unha incidencia demasiado grande sobre a seguridade na circulación vial, coma para que se abuse dos horarios de traballo, ou non se respete a xornada laboral e os descansos. O sindicato declara que non quere unha nova folga, pero tamén se mostran firmes en que, de ser necesario, volverán a parar.

Xesús Pastoriza tamén quixo deixar claro que resulta moi preocupante que unha mesma empresa, de ser así finalmente, rexistre tres paros laborais nun mesmo ano. O líder sindical calificou coma moi grave esta situación.