Si o pasado luns foi unha xornada de nervios, a semana presentase de paixón, e chea de frases para a posteridade. Radio Nordés-Cadena SER, foi quen de poñerse en contacto co edil do grupo mixto, Antonio Castro, que si nada cambia o vindeiro día 24, dará a alcaldía ó partido popular, e o seu líder en Camariñas, Ruperto Mosquera. Castro Pardiñas, quixo antes de nada, contestar as afirmacións chegadas dende o partido socialista, e as feitas onte polo alcalde deste partido en Camariñas, Bautista Santos. O primeiro, Antonio Castro, dixo que non se vendía, e o o alcalde de Camariñas, Bautista Santos, que o acusou de xudas e peseteiro, 'vé demasiadas películas'.

Entón, ¿cal foi a razón deste apoio a unha moción de censura popular?. Antonio Castro, é firme. El ten unhas condicións, que asegurarán o seu voto, e que consisten na realización por parte dos populares, logo da súa entrada no goberno, dunha serie de obras, na opinión do edil tránsfuga, necesarias e demandadas pola xente.

Antonio Castro, negou ter problemas económicos que o puideran levar a aceptar un pago económico a cambio do seu voto. Di, que esta afirmación lle provoca risa. Pero, ademais, o edil camariñán, quere deixar claro que o seu voto de favor ós populares, so se manterá no caso de que se cumpran as condicións que lles impuxo. No caso contrario, non descartaría, cambiar de opinión nun futuro 'e voltar a apoiar o actual grupo de goberno'. Ademais, Antonio Castro, pensa que esta situación non vai provocar enormes cambios na súa vida, nin na súa relación cos veciños da vila, xa que coida que está a respostar á unha demanda popular para que se produza un cambio. Afirmoui que segue a ser de esquerdas, e a situación non lle parece nada agradable porque as súas crenzas políticas son diferentes ás dos populares, e mantense nestas; pero afirma que as cousas se estaban a facer mal dende o goberno socialista e precísase o apoio dun goberno municipal en sintonía co goberno na Deputación e Autonomía.

No último capítulo desta historia; este mesmo xoves 16, o señor Castro renunciou á súa intención de apoiar a moción de censura, según asegurou por reiteradas ameazas de morte.