Este dato co que encabezamos non é máis que a punta de lanza dun problema que ten trece anos de historia, aínda que parece non é tal para as institucións que lle veñen prestando unha nula atención económica.

Por exemplo, e segundo fontes da organización do encontro teatral, desde o ano 1988 en que tivo lugar a primeira Mostra, a Xunta de Galicia non ten realizado inversión algunha neste evento. Aínda máis, na primeira Mostra, confirmaranse cincuenta mil pesetas que non se chegaron a cobrar, segundo comenta o Sr. Artur Trillo, coordenador desde o nacemento do evento.

Segundo o Sr. Artur Trillo, a estas alturas dalle igual que a Deputación baixase a subvención das aproximadamente 150.000 pesetas de edicións anteriores ás ridículas 25.000 pts deste ano (as cales se plantexan devolver), xa que segundo el, a Mostra de Teatro de Cee estase a realizar nestes trece anos en base ás axudas do Concello de Cee, tanto en instalacións como en espectáculos, e gracias ó intercambio de actuacións entre o grupo de teatro ceense Talía Teatro, e outros grupos.

Esto, unido ó voluntarismo dos membros da asociación organizadora fan posible un encontro polo que este ano, pasarán artistas da talla de Roberto Vidal Bolaño, Evaristo Calvo, ou os contadores de contos Candido Pazó e o arxentino de Chacarita José Campanari.

A Mostra do Teatro de Cee,
celebrarase do 19 ó 27 de agosto.