De éxito é a calificación que se da desta fin de semana dende todas as localidades onde se veñen de celebrar festas esta fin de semana.

Comezando cronoloxicamente, a Carballeira de Zas, foi testemuña da marea de asisitentes a 17ª edición desta festa zasense. Unha festa na que facer valoracións do número de asistentes resulta dificil. Si se poden valorar outras cuestións, coma o exito musical acadado segundo Fidel Otero, un dos responsables da festa, ou o desbordamento con respecto á previsión de venda de bebidas e comida ofertados pola organización. Os asistentes o encontro musical, acabaron con todo. Fidel Otero indicou que ás duas da maña, todo o material, tanto patacas, coma pementos ou carne, ademáis das diferentes bebidas postas á venda estaban totalemnte esgotadas.

Algo parecido sucedeu en Fisterra. Un ano máis o longueirón foi protagonista da xornada de domingo. A festa adicada a este molusco contou tamén con grande afluencia de turistas, coma nos contaba Teresa Fernandez, unha das responsables da organizacion, quen tamén indicou que foron repartidos mais de 1200 kilos de longueiron, entre os oito puntos de venda dispostos na zona da Praia de Riveira, onde se ubicou a festa.

Ademáis, celebrouse a festa da carne de poldro en Vimianzo, con reparto de máis de mil racións segundo unha nota remitida pola organización. Ata as once e media da noite estiveronse repartindo racións nun evento no que, coma nota curiosa hai que decir, que o gañador do sorteo dunha poldra foi un cidadan de orixe chilena, que vendeu o animal na propia festa.

Tamén a troita de Baio protagonizou o xantar do domingo, cun bo resultado segundo a organización. Por ultimo a Praia do Ezaro, foi ocupada por multitude de asistentes as difrentes inciativas que desenvolveron na Festa da Praia da localidade. Un pequeno dato, duas das parellas participantes no baile do cañoto nesta localidade, chegaron a estar ata media hora bailando, co cañoto de millo entre as duas narices.

E esta fin de semana mais. Atencion ó calendario dos vineiros dias; Festas patronais en Cee e Laxe o quince de Agosto. Festas de Agosto en Vimianzo, Festa da Fervenza en Mazaricos, Festa do Pulpo en Muxía e O Carme en Sardiñeiro (Fisterra) esta mesma fin de semana.

'Cada vez resulta máis complicado estar en todas'.