INGRESAR EN SOGAMA CUSTARÍA UNHA MEDIA DE 1.642 PESETAS O ANO A CADA VECIÑO DO CONCELLO DE CEE.
Esta cifra extraese do cálculo que se pode realizar sobre as cifras facilitadas polo servicio de comunicación da propia SOGAMA (sociedade encargada de xestionar o lixo para a Xunta de Galicia).

Información ofrecida por Radio Nordés-Cadena Ser

Segundo esas cifras, cada persoa crea unha media de un kilo de lixo por día, o que fai que, segundo o padrón facilitado por fontes municipais do concello ceense, sete mil trescentos habitantes censados nestes intres, provocan algo máis de sete toneladas de lixo o día. Por medio dunha sinxela operación aritmética se pode extraer cal é a cantidade que custaría a cada habitante o adherirse a Sogama, se multiplicamos esta cantidade de toneladas de lixo diario, lembren, 7 toneladas con 326 quilos, polo prezo que a empresa cobraría por tonelada de lixo, 4.500 pesetas. O resultado di que o concello ceense tería que pagar preto de 33.000 pesetas/día. Clarexándose, todo esto custaría uns doce millóns de pesetas anuais ó total dos habitantes do concello, o que quere dicir que, si non mediase ningún tipo de compensación ou rebaixa, ocasionaría un custo por habitante e ano, de 1.642 pesetas.

De tódolos xeitos, a propia empresa ten previsto unha serie de bonificacións coma a dedicada a que a selección se faga dende a propia recollida, nos fogares, mediante o sistema de recipientes diferenciados. Nese caso, a recollida, podería ser máis económica, aínda que a empresa non quixo realizar cuantificacións de en canto poderían beneficiarse os veciños. Lembrar que o concello de Cee, por medio dalgúns dos membros da corporación, xa declarou en datas pasadas a súa intención de adherirse nun futuro ó plan da Xunta para a recollida selectiva de lixo e a súa reciclaxe..

NA COSTA DA MORTE HAI MOITO QUE VER!!!

visite os nosos anunciantes

Para subscribirse ao boletín de  finisterrae.com:
boletín@finisterrae.com