É a partires de agora cando vostede poderá disfrutar da plenitude da Costa da Morte, si non lle interesa o sol ou a festa rachada da que disfrutamos no verán, e en cambio prefire coñecernos tal e como somos, coas nosas tradicións e xeitos de vida, si de verdade quere coñecer as nosas tarefas diarias, e quere disfrutar da plenitude dos nosos lugares, das nosas fermosas aldeas, das bravas costas, dos monumentos tan exquisitos e cheos de historia e como non, das lendas que siguen vivas nas nosas xentes, non o dubide e veña á Costa da Morte. 

Foron moitos os que coñeceron os días de temporal da Costa da Morte e se quedaron tan impresionados da sua forza, da sua beleza e do seu feitizo, que non foron quen de abandonarnos, desde aquel alemán que se fai chamar MAN, e que xa forma parte das rochas de Camelle  polos anos que leva vivindo pegado a ellas; ata ese pintor xaponés que vive nun outeiro de Muxía e busca a inspiración no tempo; ata o cultivador dos paises baixos que viu nas terras de Fisterra o seu ideal para vivir e montar os seus amplísimos invernadoiros; ou o noso amigo Manolo Rivas, que desde as terras de Vimianzo fai tremer o mundo enteiro co seu saber e o seu sentir, así como outros moitos, que desde o seu anonimato fan de nós, das xentes que habitamos este finisterrae, unhas persoas abertas e afables, persoas que coñecemos as historias do mundo, ben por estas xentes que no lo amosan, ou ben polos nosos mariñeiros que percorreron e percorren os mares de todo o mundo decindo de onde son, e desexando eles tamén voltar a esta Costa da Morte, que para eles é a vida toda. 

De feito quero que esto sirva como unha pequena homenaxe a aqueles mariñeiros da Costa da Morte que están polo mundo, e que visitan o noso Site, e nos mandan as suas emotivas mensaxes. Bogade con xeito que estamos agardando por vos.