Xa fai uns anos que uns rapaces con inquedanzas se xuntaron arredor do que lles rachaba o peito, que non era outra cousa que a poesía. Son xoves e non tan xoves, mariñeiros, estudantes, funcionarios, taberneiros e traballadores, pero todos e todas son poetas. 

Cando eu descubrín ao batallón literario, despois de oir falar deles, foi no Castelo de Vimianzo, nun recital poético organizado polo colectivo Arre Sentella, e quedeime como aparvado, as preguntas que me facia a min mesmo eran as seguintes: 

Pero, de onde sairon? 
Porqué aquí na Costa da Morte? 
  
E segundo eu penso despois de coñecer mellor a alguns dos seus membros; ese é o espirito do Batallón, que a xente s faga esas mesmas preguntas, e se decida a plasmar na escrita o que leva dentro, sen complexos, volcando todo ese sentimento que levamos aterido dentro, eu probeino e de verdade, SENTA QUININDIOLA !!! 

Nestes intres o Batallón Literario da Costa da Morte, simplemente ofrece as súas publicacións impresas ata o momento, como son o seu boletín Feros Corvos, e o libro Comunitario Nós. Pero este non é un espacio estático, senon que se irá actualizando cada certo tempo con diferentes aportacións. 

Se alguén de vostedes quere máis información sobre outras publicacións dos seus membros, ou dos moitos premios literarios recibidos polos mesmos en todo o mundo, non dubide en poñerse en contacto con eles que de seguro os atenderán moi ben, e que sonche moi boa xente, oh. 

Ao mesmo tempo que informamos deste feito, tamén queremos informarlle de que neste mes de Outubro, celébrase a homenaxe a Casto M. Ínsua, un galeguista de Fisterra, que foi entre outras cousas presidente da Casa de Galicia en Bos Aires. 

Moita cultura, moita, si é que neste finisterrae, como xa veño decindo desde fai tempo, HAI MOITO QUE VER, que ler, que escoitar, que sentir, …