Primeira medida para tratar de controlar o gando mostrenco dos montes da bisbarra.

Información ofrecida por Radio Nordés-Cadena Ser.

O Concello de Carnota ven de levar adiante unha iniciativa pioneira na bisbarra. Despois de manter nas pasadas xornadas unha reunión con representantes legais das comunidades de montes en Man Comun do concello, este acaba de acordar que se elaboure un censo real do gando de reses mostrencas existente nos montes veciñais. Con esta medida preténdese paliar os problemas derivados da presencia deste gando nos mostes, onde ocasionan graves destrozos en prantacións arborícolas locais e de montes repoblado, ademáis dos graves accidentes que poden provocar na rede viaria da zona.

Outra das medidas adoutadas no transcurso desta reunión foi a de que as reses teñan unha acreditación do control sanitario o que deben estar sometidas e que nestes momentos non é respetado. Segundo o rexedor carnotan, Manuel García, en moitos casos este gando chega a manterse comendo restos de lixo en varios vertedoiros da zona, con conseguinte perigo para a saúde pública se esta carne chega a entrar na cadea alimenticia, coa súa comercialización. Para acollerse a estas medidas, o concello carnotan tivo que aplicar a última das normas existentes neste senso, e que se remonta á lexislación posterior. Dende o concello carnotan faise un chamamento os propietarios para que, no prazo de cortesía acordado, se apresten a acondicionar este gando. Este prazo rematará o vindeiro un de Febreiro, momento no que o concello, segundo declarou o rexedor Manuel García, aplicará esa lexislación e pasará a prohibir este gando indocumentado.

visite os nosos anunciantes

Para subscribirse ao boletín de  finisterrae.com:
boletín@finisterrae.com