BUSCADOR






23º Ano - 5ª Época - 16/09/2019
NÓS - SESÉ CANITROT

Unha memoria noxenta e glaciar 
cinguía a terra de friaxe 
andaban as mapoulas 
esquecidas nos niolos 
e o mar era entón 
unha xanela de bicos ancestrais 
baixando pola pel. 
As campás, inmóbeis 
rachaban o silenzo o tempo morto 
cecais a sombra espetada no teu corpo 
rolaba infinda polos cadris do sono 
e os lobos na súa cova evanescente 
facíanlle festas ao sol, bébedos de anguria. 

E os donos da cova 
chuchaban ósos curvos, 
canles sen memoria, 
que a escurecida entraña 
deitaba no porvir. 

Hemeroteca