A figura e a vida do artista Urbano Lugrís (A Coruña, 1908 - Vigo, 1973) está rodeada dun áurea de incógnita e descoñecemento. Naceu por volta de 1908, fillo do egrexio galeguista Manuel Lugrís Freire, presidente da Real Academia Galega. Creador polifacético, mantivo unha intensa vida cultural colaborando con persoeiros e intelectuais hispánicos da talla de Dieste, Laxeiro, Lorca, Alberti...
O seu estilo pictórico traza semellanzas con surrealistas como Magritte ou como o metafísico Chirico, creadores igual que el de visións oníricas e de espacios moi persoais. A súa obra está fortemente influenciada polo imaxinario céltigo e pola predominancia de temas mariños.

Amou a Bergantiños gracias a poesía de Pondal, ao que coñecera persoalmente da man do seu pai nas tertulias galeguistas da Cova Céltiga da Coruña : Así, en 1951 desprazouse a Malpica durante catro meses para decorar a Casa do Pescador. Neste tempo da súa vida, Lugrís foi definitivamente engaiolado por Bergantiños, pasando as horas nas enxebres tabernas e cantando no coro.

A rosa dos ventos agarda ó visitante no bar Pescador de Malpica, a carón dun mapa da Costa da Morte, obra do malpicán Chunguito, aquel mozote a quen Lugrís lle regalara a súa paleta de pintor.