1 quilo de patacas 
Sal 
Auga 

Partir as patacas en dous anacos, salgalas e colocalas nun recipente de barro enchido de auga ata a metade. 
Tapar e ferver. 
Ao estaren medio cocidas as patacas, escúrreselles a auga e métense no forno ata que tornen tenras. 

Os cachelos pódense acompañar preferentemente con sardiñas : 

Limpar as sardiñas e quitarlle a cabeza (previamente salgadas con sal gordo). As sardiñas métense na auga dos cachelos cando comeza a ferver. 

OUTRA VARIANTE DOS CACHELOS : 

Ingredentes : 

1 quilo de patacas 
1 folla loureiro 
Sal 
Auga 

Cocer as patacas con tona en auga con sal e loureiro. 
Unha vez cocidas, hanse escurrir e lles tirar a tona en quente. 
Servir con peixe fritido.

1 quilo de patacas 
250 gramos de manteiga de vaca 
1 culler de fariña 
1 presa de perexil 
1 vaso de caldo ou auga 
2 xemas de ovo 
Pementa 
Sal 

Pelar as patacas e cortalas como para cachelos de 1/2 centímetro cada unha. 
Secalas cun pano e fritilas na manteiga. 
Colocalas nunha cazola de barro ou no seu defecto en fonte refractaria. 
Engadir un culler de fariña á manteiga que queda de fritir as patacas. 
Engadir o caldo co perexil, sal e pementa. 
Deixar cocer ata estaren as patacas tenras, tempo no que se retiran. 
Ao servilas, axúntanselle dúas xemas de ovo disoltas en auga. 
(A manteiga ha estar ben quente para evitar que as patacas cozan).

1 quilo de patacas 
200 gramos de queixo galego 
100 gramos de pan raiado 
1 culler de perexil picado 
50 gramos de fariña 
2 ovos 
Aceite para fritir 
Sal 

Cocer as patacas coa tona en auga con sal e pelalas. 
Cortar un anaco dun dos seus lados e facer un burato, que se ha encher con queixo, pan raiado e perixel. 
Envolver as patacas con ovo batido e fariña. 
Fritilas e servir moi quentes nun recipente tapado.

1 quilo de patacas 
5 pementos verdes 
6 ovos 
Aceite para fritir 
Sal 

Cocer as patacas, cortalas como para cachelos gordos. 
Fritir os pementos a lume lento e cortalos en tiras despois de lles ter quitado as sementes. 
Fritir os ovos. 
Colocar nunha fonte as patacas. 
Deitar enriba os pementos co seu prebe. 
Poñer os ovos ao seu redor.

1 quilo de patacas 
3 chourizos 
2 cebolas 
1 vaso de aceite 
2 vasos de auga 
Sal 

Picar a cebola e reaugala na mesma tarteira na que se ha cociñar o guiso. 
Engadir patacas peladas e chourizos ambos os dous cortados en cachos pequenos coa auga. Salgar e deixar cocer a lume lento. Se queda moi espeso, engadir un pouco máis de auga. Se polo contrario queremos espesar o prebe abonda con engadir un pouco de fariña ou maicena cun chisco de auga.