|
Información
ofrecida por: WEB COSTA DA MORTE.
 Xa
en 1998 o profesor da Universidade de Santiago de Compostela,
Ramón Fábregas, que dirixía un estudio
sobre pintura megalítica na zona, informaba a Patrimonio
do perigo de derrube deste monumento megalítico pois
presentaba unha visible fenda nunha das paredes do corredor.
Dous
anos máis tarde, en xullo de 2.000, o restaurador Fernando
Carrera, membro do equipo de investigación sobre pinturas
megalíticas, informaba novamente do mal estado do monumento
explicando que a causa era a presión exercida polas raíces
dun piñeiro sobre a cuberta, que á súa
vez se transmitía á primeira lousa do corredor,
abríndose así a fenda na superficie da pedra.
Fernando
Carrera insistiu xa nese momento na necesidade de que as autoridades
competentes falaran cos propietarios do terreo para salvar o
monumento.
Tres
anos despois do primeiro escrito, o profesor Fábregas
volve a requirir de Patrimonio a urxente intervención
en Pedra Cuberta.
Ó
coñecer a nova, tanto os propietarios dos terreos como
dende o Concello de Viminanzo manifestaron que non terían
problema en cortar o piñeiro que tanto ameaza o dolmen;
pero esperan a supervisión da Dirección Xeral
de Patrimonio.
Pola
súa parte, dende a Xunta responsabilizan ós concellos da conservación
dos dolmens, cando a Lei do Patrimonio Cultural de Galicia di
que a Xunta ten competencia exclusiva sobre o patrimonio, coa
colaboración de concellos e propietarios, que tamén son responsables
da súa conservación.
Unha
historia de raíces, que coma nun drama de Shakespeare,
chama a decidir entre un monumento megalítico de máis
de 6.000 anos de antigüidade e un piñeiro que, alleo
a tan tráxico destino, non tivo mellor ocorrencia que
ir nacer perto do dolmen.
Ser
ou non ser, éche aí a cuestión.
LSSI
A polémica LSSI (Lei de Servicios
da Sociedade da Información e Comercio Electrónico)
foi finalmente aprobada en Consello de Ministros o 8-2-2002.
Para coñecer a lei e as suas posibles repercusións
recomendamos o especial que kriptopolis
adica a este tema.
|
|
