| Na
actualidade, o encaixe de Camariñas está a experimentar unha
importante expansión. É por isto que está a
aumentar tamén o número de mulleres adicadas a esta artesanía.
Son máis de 3.500 palilleiras organizadas en diferentes asociacións
e empresas e que traballan sobre todo nos concellos de Camariñas,
Muxía e Vimianzo.
Malia a incorporación
de xente nova, a maioría das artesanas ten máis de 45 anos
e palillar aínda segue a ser, en moitos casos, unha actividade complementaria
(dados da Fundación Cultural Española para el Fomento de
la Artesanía).
Na formación das futuras
palilleiras teñen, como antano, grande importancia as ensinanzas
da avoa, da nai ou dunha señora de confianza a que se lle encarga
esta tarefa; aínda que na actualidade a formación tamén
se impulsa e estructura a través dunha Escola Obradoiro.
Polo xeral, inícianse
ás rapazas nesta artesanía a partires dos 5 anos.Nun principio
empezan cunha almofada ao xeito, lixeira e, polo xeral, con seis pares
de palillos. Paseniñamente irán perfeccionando a súa
técnica e os seis pares de palillos convertiranse en máis
de cincuenta pares e os paniños sinxelos en obras mestras desta
arte popular. |
